TROLLI
Kush ka qenë
n’konak, n’shtëpinë tënde-
ai di të tregojë
se ç’është mikpritja.
Kush ka ngrënë
bukë në sofrën tënde-
ai di të tregojë
ç’është bujaria.
ai që ka luftuar
me birin tënd,
di ç’është
trimëria .
Kush lidhi besë
me djalin tënd,
fort mire e di
ç’është fjala e dhënë.
Kushdo ka fjetur
pran vatrës sate,
sa mire e di
ç’është gjumi pa ëndrra…
ai që thithi
gjirin në ty,
di të vdesë për
burrëri e fjalë të dhenë
O Truall-
Rrezet e diellit
tënd
përfitojnë në
zemër dashurinë
Comments
Post a Comment